Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
797

Xalq artisti Leyla Bədirbəylinin 100 illik yubileyinə həsr olunmuş xatirə gecəsi keçirildi

Dekabrın 21-də Azərbaycan Dövlət Akademik Milli Dram Teatrında görkəmli teatr və kino aktrisası, Xalq artisti, Dövlət mükafatı laureatı Leyla Bədirbəylinin (1920-1999) 100 illik yubileyinə həsr olunmuş xatirə gecəsi keçirildi.

Qeyd edək ki, unudulmaz aktrisanın anadan olmasının 100 illiyi ilə əlaqədar ötən il Prezident İlham Əliyev tərəfindən sərəncam imzalanmışdı. Lakin COVİD 19 pandemiyası ilə əlaqədar tətbiq olunan sərt karantin rejiminə görə mədəni-kütləvi tədbirlərə məhdudiyyət qoyulduğundan sənətkarın yubiley tədbiri də təxirə salınmışdı.

Gecədə dövlət rəsmiləri, tanınmış mədəniyyət və incəsənət xadimləri, ictimaiyyət nümayəndələri iştirak edirdi.

Teatrın foyesində Azərbaycan Dövlət Teatr Muzeyinin arxivi əsasında aktrisanın  sənət yolunu əks etdirən fotolardan ibarət sərgi təşkil olunmuşdu.

Tədbirdə çıxış edən mədəniyyət nazirinin birinci müavini Elnur Əliyev Leyla Bədirbəylini həm görkəmli sənətkar, həm də gözəllik, zəriflik nümunəsi kimi xarakterizə etdi. Bildirdi ki, aktrisanın teatr və kinomuzda yaratdığı parlaq obrazlar bundan sonra da tamaşaçıların yaddaşında dərin iz salacaq. Onun canlandırdığı bənzərsiz obrazlar sayəsində yeni sənətçilər nəsli yetişib və onun açdığı sənət yolu davam etdirilib.

Elnur Əliyev qeyd etdi ki, tanınmış sənətkarların daim belə sevgi və ehtiramla xatırlanması həm əsl sənət dəyərlərinin ölməzliyinə, həm də yaradıcılıq ənənələrinin yaşadılmasına əlavə zəmin deməkdir: “Belə örnək sənətkarların qoyub getdiyi mirasın gələcəyə layiqincə daşınması üçün teatr və kino təmsilçilərimiz daim yeniliklərə, inkişafa can atmalıdırlar. Teatr Azərbaycan mədəniyyətinin vacib göstəricisidir və onun yeni dövrün tələblərinə uyğun inkişaf strategiyası müəyyənləşdirilməkdədir. Teatrlarımızın inkişafına dövlət tərəfindən bundan sonra da dəstək göstəriləcək. Ancaq teatrın ən böyük dəstəkçisi onun tamaşaçılarıdır. Bu mənada tamaşaçı ilə teatr arasındakı əlaqə daim canlı, dinamik olmalıdır”.

Sonra Xalq artisti Vaqif Əsədovun ssenari müəllifi olduğu və quruluş verdiyi (ikinci rejissor Gülnar Hacıyeva) yubiley gecəsinin bədii hissəsinə, teatrallaşdırılmış kompozisiyaya keçildi.

Sənətkarın teatr və kino yaradıcılığından videoçarx nümayiş olundu. Beləcə, ağ-qara foto və video kadrlarda həm nostalgiya yaşandı, həm də bir sənətkar ömrünün ən yaddaqalan, ən kövrək məqamları vərəqləndi.

Sonra “Arşın mal alan” operettasından Gülçöhrənin (Leyla Bədirbəylinin ifasında) ariyası həm kadrlarda nümayiş olundu, həm də səhnədə gənc vokalçının ifasında canlı-canlı təqdim edildi.

Daha sonra aktrisanın səhnədə yaratdığı təkrarsız obrazlar sənət və şəxsiyyətinin heyranı olan xanım həmkarları tərəfindən yenidən canlandırıldı. “Solğun çiçəklər”in vəfalı Sarası, “Vaqif”in sevdalı Xuramanı, “Almaz”ın fədakar Almazı səhnədə göründü. “Qanlı toy” tamaşasından parça gecənin finalında ümumilikdə bir qadının – ananın, bacının, sevgilinin faciəsi təsirini yaratdı.

Leyla Bədirbəylinin sevə-sevə ölümsüzlük bəxş etdiyi qadın qəhrəmanlarının kinoekrandan “boylanan” kadrları izləndikcə onun aktrisa kimi fitri istedad və özünəməxsus ustalığı yenidən alqışlandı.

Akademik Musiqili, Akademik Milli Dram və Gənc Tamaşaçılar teatrlarının orkestri, xoru, balet və aktyor truppası gecəni maraqlı və yaddaqalan etməyə çalışdılar.

Zəriflik və sevgi üzərində qurulan xatirə gecəsinə İlkin Əhmədovun ifasında “Qarabağın maralı” mahnısı ayrıca bir rəng qatdı. Muğam üçlüyü və skripkada solo ifalar da tamaşaçıların könlünü oxşadı.

XƏBƏRLƏR

20.05.2022 17:34
İCESCO-nun Bakı şəhərində regional ofisinin yerləşməsi haqqında Saziş imzalanıb
20.05.2022 17:05
"Postmünaqişə Humanitar Gündəliyinin İnkişaf Etdirilməsi: mədəni mühitin canlandırılması yolu ilə davamlı inkişaf” adlı beynəlxalq konfransın iştirakçılarının birgə müraciəti oxunub
20.05.2022 16:29
Prezident İlham Əliyev ICESCO-nun Baş direktorunu qəbul edib
20.05.2022 15:09
Beynəlxalq konfransda “Yerli və regional icmalarda dayanıqlı həyat tərzinin dəstəklənməsi və ekosistemlərin qorunması” mövzusu müzakirə olunub
20.05.2022 14:15
“Keçmiş problemlər – gələcək perspektivlər: urbisid kontekstində irsin idarə olunması siyasətinin tətbiqi” mövzusunda panel sessiya keçirilib
20.05.2022 13:21
İzmirdə "Şuşa ili" çərçivəsində "Gənclərə dəstək" layihəsinin konserti
20.05.2022 12:36
Xalq artisti Vaqif Əsədov vəfat edib
19.05.2022 19:29
Postmünaqişə dövründə dialoq və əməkdaşlığın qurulmasında mədəniyyətin rolu
19.05.2022 16:41
Şuşada “Postmünaqişə humanitar gündəliyinin inkişaf etdirilməsi: mədəni mühitin canlandırılması yolu ilə davamlı inkişaf” mövzusunda beynəlxalq konfrans keçirilir
19.05.2022 11:26
Beynəlxalq Muzeylər Günü münasibətilə "Muzeydə gecə" adlı tədbir keçirildi
18.05.2022 16:06
“Yeni adlar” layihəsi maraqlı konsert proqramları ilə davam edir
18.05.2022 15:13
Mədəniyyət Nazirliyinin təşkilatçılığı ilə Şuşada Beynəlxalq konfrans keçiriləcək
18.05.2022 14:24
Məclisi-fəramuşan” Azərbaycan-Özbəkistan şairlərinin növbəti poeziya görüşləri keçirildi
18.05.2022 10:17
Nazirliyin təşkilatçılığı ilə Birinci Bakı Beynəlxalq Piano Festivalı keçiriləcək
17.05.2022 11:42
“Ustad dərsləri” layihəsinə start verilib
17.05.2022 09:47
“4 seasons of Shusha” beynəlxalq fotoqrafiya layihəsinin ilk iştirakçısı Hüseyn Taşkın Azərbaycanda səfərdədir
16.05.2022 16:23
Rauf Hacıyevin doğum günündə məzarı ziyarət olundu
16.05.2022 14:06
Dünya şöhrətli həmyerlimiz xüsusi proqramla Bakıda səfərdədir
16.05.2022 12:03
“Şuşa mədəniyyətinin inciləri”: Əbdürrəhim bəy Haqverdiyev
14.05.2022 21:02
V “Xarıbülbül” Beynəlxalq Folklor Festivalı başa çatıb
14.05.2022 16:30
Orxan Alptekin: Azərbaycan və Türkiyə qardaşlığı əbədi yaşayacaq
14.05.2022 16:18
“Xarıbülbül” festivalında ölkəmizin folklor kollektivləri səhnəyə çıxıb
14.05.2022 15:43
Türkiyəli sənətçi: Özünəməxsus ənənələri olan Şuşada belə bir festivalın keçirilməsi onun adına layiqdir
14.05.2022 15:32
Əsəd Karaca: Şuşanın azad edilməsi son əsrdə Azərbaycan tarixinin ən şanlı qələbəsidir
13.05.2022 19:09
“Xarıbülbül” festivalında Pakistan və Özbəkistanın rəqs qrupları çıxış edib
13.05.2022 18:17
Polad Bülbüloğlu: “Xarıbülbül” festivalı Şuşanın simvollarından birinə çevrilib
13.05.2022 17:40
Dünyanın ən uzun mədəniyyət gecəsi geri qayıdır
13.05.2022 17:34
Festivalın ikinci günündə Cıdır düzündə qurulmuş səhnədə bir-birindən maraqlı ifalar təqdim olunub
13.05.2022 17:04
Görkəmli bəstəkar, SSRİ Xalq artisti Qara Qarayev anılıb
13.05.2022 16:53
Etibar Əsədli: Şuşadakı bugünkü ifam heç vaxt yaddaşımdan silinməyəcək...